TROPOJË- Një arsenal armësh është sekuestruar nga blutë në Tropojë, ndërsa në pranga janë vënë dy persona, Avdi Ismajlgeci, 44 vjeç, e Arjan Prengzaj, 43 vjeç. Në total, janë sekuestruar 1 kallashnikov, 1 pushkë, 8 radio si të policisë, 4 thika, 2 sëpata, 5 dylbi, fishekë dhe 1 silenciator.
Ku ishte fshehur arsenali i armëve?
Policia e Tropojës informon se Ismajlgeci dhe Prengzaj lëviznin me armë dhe radio si të policisë nëpër Tropojë. Ata u arrestuan në vendin e quajtur Velisht dhe gjatë kontrollit që iu është ushtruar në makinë, Policia ka gjetur 2 armë zjarri, 2 thika, 2 radio marrëse-dhënëse si të Policisë, 2 sëpata të vogla, 1 palë dylbi dhe municion luftarak.
Në kuadër të operacionit “Velishti”, blutë ushtruan kontrolle edhe në banesën e 43-vjeçarit Prengzaj, të cilit iu sekuestruan 4 radio marrëse-dhënëse si të Policisë, municion luftarak i kalibrave të ndryshëm, karikatorë, 4 palë dylbi, 2 thika, një xhup multifunksional si ato të Policisë dhe një silenciator. Ndërsa në banesën e Ismajlgecit u gjetën 2 radio si ato të Policisë.
"Këta shtetas u kapën në vendin e quajtur Velisht, Njësia Administrative Bujan, Tropojë, ku gjatë kontrollit në automjetin tip “Mitsubishi”, në pronësi të shtetasit A. P., me të cilin ata qarkullonin, shërbimet e Policisë gjetën dhe sekuestruan në cilësinë e provës materiale: 2 armë zjarri, 2 thika, 2 radio marrëse-dhënëse si të Policisë, 2 sëpata të vogla, 1 palë dylbi dhe municion luftarak.
Në vijim të operacionit, gjatë kontrollit në banesën e shtetasit A. P., u gjetën dhe u sekuestruan: 4 radio marrëse-dhënëse si të Policisë, municion luftarak i kalibrave të ndryshëm, karikatorë, 4 palë dylbi, 2 thika, një xhup multifunksional si ato të Policisë dhe një silenciator. Ndërsa në banesën e shtetasit A. I., u gjetën 2 radio si ato të Policisë", njoftoi Policia.
Policia informon se armët e gjetura janë dërguar për ekspertizë nëse janë përdorur në krime.
Lajm në përditësim....
Komente
