Këtë fundjavë është çelur zyrtarisht me një sërë aktivitetesh kulturore e artistike, sezoni turistik veror në Seman të Fierit.
I pranishëm ishte edhe deputeti i zonës Taulan Balla, njëkohësisht Ministër i Brendshëm. Balla tha se Shqipëria çdo vit e më shumë po merr certifikatën si një destinacion turistik i sigurt, ndërsa përmendi edhe disa nga bukuritë që e karakterizon këtë bregdet.
"Në Fier mund të gërshetosh edhe vizitën në site turistike përfshirë dhe Apolloninë. Ftesa ime për të gjithë shqiptarët qofshin ata që jetojnë në Shqipëri, Kosovë, Mal të Zi e Preshevë është që gjatë planit për të vizituar Shqipërinë ndaloni dhe në Seman dhe në Fier" tha Balla.
Bashkia Fier përfshin 4 plazhe Semanin, Darëzezën, Pishporon dhe Asturkasin me një vijë bregdetare 27 km dhe përbëhet nga plazhe të virgjëra me rërë kurative.
