Senatori amerikan John McCain, i cili u diagnostikua me kancer në tru vitin e kaluar, ka marrë vendimin që të ndërpresë çdo trajtim mjekësor.
Lajmin për vendimin e tij,e dha vetë familja e senatorit me anë të një postimi në Twitter.
Familja jonë është jashtëzakonisht mirënjohëse për mbështetjen e të gjithë dashamirësve të tij. Zoti ju bekoftë dhe ju falënderoj të gjithëve.
Shkruan familja në Twitter
Udhëheqësit e Kongresit reaguan menjëherë ndaj deklaratës, duke e cilësuar lajmin si shumë të trishtë.
Më herët McCain shprehej se ishte shumë i lumtur me jetën e tij dhe me çdo gjë që ka qenë në gjendje të bëjë.
Unë jam në gjendje të festoj dhe të jem shumë i lumtur sepse kam pasur një jetë të mrekullueshme dhe do të jem mirënjohës për të gjithë kohën që më ka mbetur.
John McCain
McCain, 81 vjeç, u diagnostikua me kancer në korrik të 2017. Ai u largua nga Uashingtoni në dhjetor, por sërish ka mbetur një figurë politike mjaft aktive.
81-vjeçari është i njohur si një kritik i ashpër i Presidentit Donald Trump.
Komente
