Serbia kërkon ekstradimin nga Maqedonia e Veriut të ish-ushtarit të UÇK-së Blerim Ramadani, i ndaluar një javë më parë në vendkalimin kufitar Jazhince.
Ministri i Brendshëm serb Ivica Daçiq, tha se kjo varet nga organet e brendshme të Maqedonisë së Veriut.
Ai sot në Tabanocë, gjatë takimit me homologun e tij maqedonas Pançe Toshkovski, tha se Serbia ka një listë për flet-arreste ndërkombëtare ndaj pjesëtarëve të UÇK-së “të dyshuar për krime lufte në Kosovë.”
“Ne kemi listën e shumë njerëzve që kanë marrë pjesë në “krime” gjatë kohës së luftë, i kemi proceduar dhe lëshuar flet-arrest. Përmes tyre, disa prej tyre janë arrestuar. Ne presim që të sillet vendim për ekstradim, por kjo është çështje e brendshme e Maqedonisë së Veriut”, tha Daçiq.
Me kërkesë të Prokurorisë për krim të organizuar, ish-ushtarit të UÇK-së Blerim Ramadani i është caktuar masa e paraburgimit ekstradues 30-ditor.
Ai u ndalua më 17 korrik 2024 në vendkalimin ndërmjet Kosovës dhe Maqedonisë dhe u transferua në burgun e Shutkës në Shkup.
I pyetur mbi akuzat e fundit nga Kosova, se Milan Radojçiq, organizatori i sulmit terrorist në Banjska, po planifikon sulme të reja në Kosovë, dhe se pa dorëzimin e tij nuk mund të ketë mirëkuptim për bisedimet mes vendeve, ministri Daçiq tha:
G.K/ReportTv.al“Serbia nuk e njeh Kosovën si shtet i pavarur dhe kjo absolutisht nuk mund të ndodhë. Ne nuk kemi direkt bashkëpunim me përfaqësuesit e tyre. Ne të gjitha bashkëpunimet i kemi me EULEX dhe shkëmbejmë informacione në lidhje me këto procese”, tha ai./ Kosova Press
Komente
![](https://www.report-tv.al/template/img/antipiracynote.jpg)
Tashme qe ne maqedoni eshte vendosur pushteti i brastfo jedinstfos ska dyshim se edhe do te transferohet i arrestuari ish pjesetar i uçk-s por edhe do arrestohen te tjer, kjo lufte veq ka filluar me kete Ramadanin e do vazhdon me te tjer ne fillim per ta testuar reagimin e faktorit shqiptar por edhe nderkombetar, pasta do shifni se si do vazhdon pasi edhe vzt kurrci eshte deklaruar se do ta pastron politiken nga ata qe kan shkaterruar serbosllavine.
Përgjigju