SPANJË - Sergio Ramos ra preh e një vjedhjeje ndërsa fëmijët e tij ishin të pranishëm në banesë. Mbrojtësi i Sevilla, Sergio Ramos ishte viktimë e një vjedhjeje në shtëpinë e tij teksa po luante në ndeshjen e parë të sezonit në Champions League kundër RC Lens (1-1), mesjavën e kaluar.
Sipas "ABC de Sevilla", disa kriminelë hynë në shtëpinë e tij që ndodhet rreth njëzet kilometra larg Sevillas, ndërsa katër fëmijët e mbrojtësit, të moshës 3 deri në 8 vjeç, ishin atje me dadot e tyre.
Para 'cash', orë luksoze, bizhuteri dhe veshje të markave të ndryshme u vodhën dhe shtëpia u plaçkit. Fëmijët dhe kujdestaret e tyre ishin shumë të tronditur, por shëndoshë e mirë. Policia hapi një hetim për çështjen, por ende nuk ka asnjë të dyshuar.
Komento
