Serie A zhvilloi tre ndeshjet e fundit për raundin e 11-të. Te tri pikët dolën Empoli, Genoa dhe Lazio.
Në "Olimpico" skuadra e Lazios mposhti 2-1 Cagliarin dhe parakalon Juventusin duke u renditur e pesta me 22 pikë. Dia zhbllokoi gjithçka pas vetëm dy minutave, me Lazion që u barazua nga Luvumbo. Golin me vlerën e tri pikëve e shënoi Zaccagni në minutën e 76-të, ndërsa miqtë nga Sardegna e mbyllën ndeshjen me nëntë lojtarë pasi Mina dhe Adopo dolën me karton të kuq në të 78 minutë. Alen Sherri qëndroi në stol për Cagliarin.
Në 'Carlo Castellani', Empoli fitoi 1-0 kundër Comos me golin e Pellegrit në nisje të pjesës së dytë. Më i miri në fushë u vlerësua Ardian Ismajli me notën 7.8 sipas "FlashScore".
Në "Tardini", Parma vendase u mposht 0-1 nga Genoa. Goli i Pinamontit në të 79 minutë ishte deçiziv për djemtë e Gilardinos. Në minutën e 86-të debutoi edhe Mario Balotelli që u rikthye në Serie A pas katër vitesh, këtë herë me ngjyrat e Genoas. Pas vetëm gjashtë minutash Balotelli u ndëshkua me karton të verdhë.
Serie A, raundi 11-të:
E hënë, 04 nëntor 2024
18:30 Empoli 1-0 Como
18:30 Parma 0-1 Genoa
20:45 Lazio 2-1 Cagliari
Renditja:
