Seria e rezultateve pozitive të Milanit përfundoi këtë të premte, pasi kuqezinjtë u mposhtën 2-1 nga Atalanta e Berat Gjimshitit në "Geëiss Stadium" të Bergamos, në një ndeshje të vlefshme për javën e 15-të të Serie A.
Vendasit kaluan në avantazh herët, në minutën e 12-të, me belgun Charles De Ketelaere, i cili mposhti portierin Maignan. Milan reagoi shpejt dhe arriti të barazonte rezultatin në minutën e 22-të falë golit të spanjollit Alvaro Morata.
Megjithatë, ishte Ademola Lookman ai që vulosi fitoren e Atalantës në minutën e 87-të, duke siguruar tre pikë të rëndësishme për skuadrën bergamaske.
Pas këtij rezultati, Atalanta ngjitet në krye të renditjes së Serie A me 34 pikë, duke lënë pas Napolin dhe Interin, ndërsa Milani zbret në vendin e 7-të me 22 pikë.
Komente
