Sërish protestë në aksin Thumanë-Kashar. Banorët e Krujës dhe Fushë Krujës po protestojnë edhe sot pasi rruga e re nuk është e aksesueshme prej tyre, ndaj kërkojnë hyrje dhe dalje të re për shtëpitë dhe bizneset e tyre
Një nga protestuesit e pranishëm është shprehur se kërkesa thelbësore e tyre është hapja e një rruge dytësore.
“Na hapni rrugë dytësore, po na dëmtoni fëmijët. Nuk kemi mundësi të hapim dyert e shtëpisë nga pluhuri i kamionëve që kalojnë”, ka thënë një protestues .
Nga pamjet e siguruara për Report Tv shohim se qytetarët mes brohoritjeve janë përplasur me forcat e policisë për të hapur rrugën.
Në këtë protestë i pranishëm është edhe Adriatik Lapaj, kreu i Lëvizjes ‘Shqipëria bëhet’.
Pasi turma tentoi të bllokojë autostraden, bëhet me dije se policia ka hedhur gaz lotsjellës drejt qytetarëve.
Aksi Thumanë- Kashar i cili u hap më 30 qershor është një nga më të rëndësishmit e “Korridorit blu" që lidh veriun me jugun, me vlerë totale 226 milionë euro, kurse në 35 vitet e kohëzgjatjes së kontratës, koncesionari pret të fitojë 1.3 miliardë euro.
Ky është momenti kur forcat e policisë kanë hedhur gaz lotsjellës drejt protestuesve.
Nga pamjet e siguruara për Report Tv shohim se banorët largohen me vrap nga zona.
Vazhdon protesta në Thumanë. Nga pamjet e siguruara për Report Tv shohim se disa protestues i kanë vendosur zjarrin disa shkurreve. Në vendngjarje ka mbërritur një zjarrfikëse e cila po punon për fikjen e flakëve.
Po ashtu raportohet se disa nga protestuesit kanë qëlluar me gurë drejt forcave të policisë.
Komente
Po ne që nga TEG dhe derri nëBradashesh që kemi dalë jashtë loje çfarë duhet ti kërkojmë qeveris.Protesta është politike 100%.
Përgjigjufaji yt qe nuk dole, ka patur nje plan te propozuar edhe atehere per hyrje dalje ne fshatra
Nese rruga dytesore ekziston banoret e kane gabim. Para se te behej kjo si leviznin? Nuk behet dalje ne cdo 300m se ka 4 shpi.
Përgjigjupo nuk ekziston rruga dytesore pra, eshte mbyllur se shmangej trau po te lihej ajo e hapur edhe nuk kalon njeri te paguaje e ne fund te dites ngel Bashkim Ulaj(koncensionari) pa leke gjasme
Te pakten 5 km rruge ka dal komplet jasht perdorimi, dhe pas pak vitesh do mbije bari mbi te.E kane bllokuar sepse ne te kundert, shume pak do te udhtonin ne "autistraden e re",kjo behet per ti dhene ca para atij qe e ka bere pa plan-biznesi nje rruge qe "zgjat rruge".
S'KANE FAJ BANORET E SHKRETE,,FAJIN E KA QEVERIA QE FONDIN PER TE BERE HYRJE DALJE MBIKALIM DO TA VJEDHE...QEVERI HAJDUTASH...
PërgjigjuDhe ne fushe kruje dhe kruje nuk kan kan bere dalje.qeveria fle gjume.