"Rreze Dielli” rikthehet këtë të hënë me një sezon të ri, më pranë publikut se kurrë! Nën drejtimin dhe moderimin e Androniki Kolka dhe shefes së gatimit Albana Mancja, çdo mëngjes nga ora 09:00 deri në 11:00, në ekran do të gjeni energjinë, ngrohtësinë dhe informacionin që ju duhet për ta nisur ditën ndryshe.
“Rreze Dielli” vjen me një skenografi të rifreskuar dhe me një format të pasur, rubrika të dashura dhe të ftuar interesantë, duke e kthyer programin në një pikë takimi të përditshëm me familjet shqiptare.
"Të gatuajmë dhe Albanën" mbetet një nga pjesët më të dashura të programit, ku do të sjellim receta të shijshme, ide kreative për tryezën familjare dhe këshilla praktike për amvisat.
Rubrika "Bima dhe shëndeti" me Ylli Merja , çdo të hënë ora 10.00 fokusohet tek mjekësia natyrale, vlerat e bimëve, kurat tradicionale dhe mënyrat e shëndetshme të jetesës.
Çdo të mërkurë "Eksperti këshillon", ora 10.00 me Altin Jokën, sjell përgjigje të sakta për pyetjet dhe shqetësimet më të shpeshta të qytetarëve për shëndetin e tyre, duke ofruar orientim praktik dhe të besueshëm në lidhje me shëndetin dhe mirëqenien tonë.
"Bëje vetë", me Stela Nikolla është rubrika ku propozohen maska dhe përzierje natyrale për fytyrën dhe flokët , apo kur krijimtaria vjen në plan të parë: ide dekorimi, zgjidhje praktike për shtëpinë dhe projekte “DIY” që secili mund t’i realizojë lehtësisht.
"Horoskopi i ditës" mbetet pjesë e pandashme e programit duke sjellë parashikime interesante dhe plot kuriozitete për 12 shenjat e zodiakut.
Personazhe frymëzues, çdo javë në studio do të kemi histori unike, njerëz që na motivojnë me rrëfimet e tyre të jetës, suksesit apo sakrificave.
Telefonata nga publiku një hapësirë e drejtpërdrejtë që ju bën pjesë aktive të programit. Çdo shikues ka mundësinë të ndajë mendimin e tij, të bëjë pyetje dhe të bashkëbisedojë me të ftuarit tanë apo të marrë pjesë gjatë hapësirës së gatimit.
Përveç këtyre, “Rreze Dielli” sjell tema të aktualitetit, diskutime mbi shëndetin, familjen, marrëdhëniet, edukimin, si dhe biseda të hapura me ekspertë dhe personazhe të njohur të botës së artit, kulturës e shoqërisë.
Në këtë sezon të ri, programi vjen edhe më i freskët, më dinamik dhe më i lidhur me publikun, duke sjellë çdo ditë informim, argëtim dhe frymëzim.
Ju ftojmë të na ndiqni çdo ditë, nga e hëna në të premte, në orën 09:00 – 11:00, vetëm në ekranin e Report TV. Sepse çdo mëngjes nis më bukur nën rrezet e diellit!
Komente
