Kërkesat për të marrë një profesion në vend janë rritur më shumë këtë vit të ri akademik. Më të preferuarat rezultojnë të jenë shkollat profesioane, të cilat kanë pritur 14 mijë e 500 nxënës.
Gjatë raportimit në kuvend zv.ministrja e Financave, Olta Manjani tha se deri më tani rezultojnë të regjistruar shkollat profesioane 14 mijë e 500 nxënës.
Ndërsa theksoi se pavarësisht mundësisë së lartë për tu punësuar sfidë mbetet tërheqja e vajzave në arsimin profesional. Për të nxitur vajzat që të zgjedhin këtë arsim zv. Ministrja the se është menduar që të ofrohen bursa.
Teknologjia e informacionit, hoteleri-turizmi dhe elektromekanika janë disa nga profesionet më të kërkuara.
Manjani tha ndër të tjera se kanë marrë një sërë masash për të mos lejuar largimin e profesionistëve jashtë vendit.
Në total në vend operojnë 36 shkolla profesionale në të cilat ofrohen në total 87 profile nga të gjithë sektorët e ekonomisë. Qeveria i ka akorduar arsimit profesional një fond prej 3.4 miliard lekësh për këtë vit.
