Dy sfidat kualifikuese të klubeve shqiptare që garojnë në kompeticionet europiane, Tirana dhe Partizani do të priten zyrtarisht në stadiumin 'Air Albania'.
Ditën e nesërme, më 12 korrik ekipi i Tiranës do të zhvillojë ndeshjen e kthimit ndaj Dudelanzhit, e vlefshme për turin e parë kualifikues të Ligës së Kampionëve, ndërsa edhe Partizani do të luajë dy ditë më pas sfidën e kthimit ndaj Saburtalo, e vlefshme për turin e parë të Europa Conference League.
Tirana u mund në sfidën e parë në transfertë me shifrat 0-1, teksa Partizani ia doli të merrte një rezultat pozitiv në transfertën gjeorgjiane. Për t’u kualifikuar në turin e dytë të Champions League, Tirana duhet të fitojë me avantazhin e dy golave, pasi vetëm me një ndeshja do shkonte në shtesë.
