Dy vëllezër, 20 dhe 18 vjeç, janë arrestuar nga policia e Tiranës pasi shantazhonin me foto dhe video intime vajza në rrjetet sociale për t’i marrë para.
Në pranga kanë rënë Halim e Jurgen Malja, të dy nga Tirana, në bashkëpunim me njëri-tjetrin, krijonin profile false nëpër aplikacione virtuale.
Më pas përmes komunikimeve me persona të ndryshëm, kryesisht vajza, siguronin materiale foto e video intime, dhe për mospublikimin e këtyre materialeve, kërkonin shuma të ndryshme parash.
Policia njofton se 2 raste i ka të dokumentuara, ku viktimë është një 14 vjeçare, nga e cila dy vëllezërit Halimi 20-vjeçar dhe Jurgeni 18 vjeç kishin arritur të përfitonin shuma parash.
Uniformat blu njoftojnë se kanë sekuestruar shuma parash dhe 2 celularë, ndërsa çështja tashmë është në dorë të policisë.
