TIRANE-Katër ambasadorë, të vendeve më me peshë zbarkuan rreth orës 15:20 të ditës së sotme në zyrën e Lulzim Bashës. E ngarkuara me punë e SHBA-së në vendin tonë, Leyla Moses-Ones, ambasadori i BE-së, Luigi Soreca, i Britanisë Duncan Norman dhe i Gjermanisë Peter Zingraf qëndruan në zyrën e kryedemokratit Lulzim Basha për rreth 90 minuta.
Në përfundim të takimit, Leyla Moses-Ones nuk pranoi që të bënte komente duke u shprehur shkurt "nuk kam komente, ishte takim privat". Tema e diskutimit mes Bashës dhe ambasadorëve nuk dihet, por referuar aktualitetit dhe ngjarjeve të fundit, në qendër të bisedës padyshim që ka qenë reforma zgjedhore, por edhe cështje të tjera.
Report Tv solli pamjet e momenteve kur ambasadorët ngjitën shkallët e selisë blu dhe përfundimin e takimit të diplomatëve me liderin demokrat.
Komente
