Kremlini pohoi sot (12 dhjetor) se presidenti rus Vladimir Putin nuk ka marrë ftesë për të shkuar në ceremoninë e betimit të presidentit të zgjedhur të SHBA-së, Donald Trump.
Marrëdhënia mes tyre është përshkruar si në tone gati miqësore, por duket se ajo nuk shkon deri dorëzimi i një ftese për eventin e shumëpritur, ndërkohë që presidenti kinez Xi Jinping nga ana tjetër, e ka marrë një të tillë, pavarësisht se nuk e ka konfirmuar ende nëse do të marrë pjesë apo jo.
Ndërkohë ekipi i Trump është duke diskutuar ftesat për liderë të tjerë botërorë, përfshirë kryeministrin hungarez Viktor Orbán.
“Udhëheqës nga e gjithë bota janë rreshtuar që të takohen për t’u takuar me Presidentin Trump sepse e dinë se ai së shpejti do të kthehet në pushtet dhe do të rivendosë paqen përmes fuqisë amerikane në mbarë globin”, tha Karoline Leavitt, zëdhënësja e tranzicionit e Trump dhe sekretarja e ardhshme e shtypit, për CBS News.
Donald Trump është gati të marrë detyrën si Presidenti i 47-të i Shteteve të Bashkuara.Trump do të betohet në detyrë në një ceremoni inaugurimi e cila mbahet më 20 janar 2025 në ndërtesën e Kapitolit të SHBA-së në Washington. Eventi është planifikuar nga Komiteti i Përbashkët i Kongresit për Ceremonitë Inauguruese, e përfshin betimin dhe fjalimin e rastit.
Komente
kishte frike se po ta ftonte, mos i vinte putini. tamam i ftohur ne tajare trump ... me shume kaos do sjelle ne amerike dhe bote se sa do rregulloje gje.
Përgjigju