Studiuesi i poltikës së rrethanave politike dhe raporteve mes Kosovës dhe Serbisë, Edward P. Joseph ka reaguar për situatën aktuale politike dhe për kthimin e zv. kryeministrit Besnik Bislimi nga policia e Serbisë.
Joseph thotë se Presidenti serb, Vuçiç duke e poshtëruar në mënyrë të qëllimshme Besnik Bislimin, duke e kthyer vetëm një orë pa arritur në Beograd ka krijuar një skenar fitimtar për punën e targave.
Profesori amerikan thotë se tashmë nëse Albin Kurti zmbrapset për çështjen e targave atëherë i bie që po i nënshtrohet poshtërimit të Beogradit, jo apelit të SHBA-së dhe vendeve të tjera të Quint.
Ai gjithashtu tha se nëse kryeministri i Kosovës nuk tërhiqet për punën e targave, atëherë Aleksandër Vuçiç ka në dorë krizën dhe konfrontimin në veri të Republikës së Kosovës gjë që e dëshiron vetë Vuçiç dhe rusët.
Joseph thotë se me këtë situatë të krijuar Kosova bashkë me Shtetet e Bashkuara të Amerikës kanë ngecur.
“Presioni për Albin Kurtin për targat nënkupton shpërblim për arrogancën e Vuçiçit”, ka shkruar Jospeh në Twitter.
Joseph thotë se ndërkombëtarët duhet të injorojnë deklaratën e fundit të Vuçiç ku flet për “de-eskalim” të situatës meqë e konsideron si një “marifet të Vuçiçit që Washingtoni duhet ta injorojë”.
Profesori amerikan thotë se është Beogradi që po përshkallëzon situatën duke mos lejuar vizitën e zv.kryeministrit Besnik Bislimi, meqë Kosova ka lejuar vizitën e Bërnabiç në veri të Republikës së Kosovës.
Joseph në reagimin e tij ka dhënë edhe një udhëzim për të dalë nga kjo krizë. Sipas tij, Washingtoni dhe BE-ja duhet të dërgojnë një kërkesë për Albin Kurtin dhe një kërkesë të mundshme për Aleksander Vucicin për të trajtuar çështjen e sundimit të ligjit në veri të Kosovës
“Sugjerimi im. Kërkoni Aleksander Vuçiçit që të shpall publikisht një hetim të posaçëm për vrasjen e Oliver Ivanoviqit në vitin 2018. Kjo çështje ka të bëjë me një serb të Kosovës dhe drejtësia për Ivanoviçin është një goditje për lidershipin kriminal në veri”, ka shkruar Jospeh.
