Shtetet e Bashkuara të Amerikës festojnë këtë të enjte Ditën e Falënderimeve, një festë e veçantë për popullin amerikan prej vitit 1789.
Presidenti i zgjedhur Donald Trump uroi popullin e tij përmes një postimi në rrjetin social “X’, ku nuk kurseu as sulmet ndaj Partisë Demokratike, që sipas tij, kanë tentuar vazhdimisht rrënimin e vendit.
“Gëzuar Ditën e Falënderimeve të gjithëve, duke përfshirë edhe lunatikët e majtë radikalë që kanë punuar kaq shumë për të shkatërruar vendin tonë, por që kanë dështuar keq dhe do të dështojnë gjithmonë, sepse idetë dhe politikat e tyre janë kaq të këqija sa që njerëzit e mëdhenj të kombit tonë sapo dhanë një fitore dërrmuese për ata që duan ta bëjnë Amerikën sërish madhështore! Mos u shqetësoni, vendi ynë së shpejti do të jetë i respektuar, produktiv, i drejtë dhe i fortë, dhe ju do të jeni, më shumë se kurrë më parë, krenarë që jeni amerikan!”, shkruan në postimin e tij Trump.
Dita e Falenderimeve festohet në Shtetet e Bashkuara që nga viti 1789. Në vitin 1863, gjatë Luftës Civile në Amerikë, presidenti Abraham Linkoln shpalli vendimin që Dita Kombëtare e Falënderimeve të festohet çdo vit, të enjten e katërt të nëntorit.
Happy Thanksgiving to all, including to the Radical Left Lunatics who have worked so hard to destroy our Country, but who have miserably failed, and will always fail, because their ideas and policies are so hopelessly bad that the great people of our Nation just gave a landslide…
— Donald J. Trump (@realDonaldTrump) November 28, 2024
Komente
