Gruaja e ish-senatorit amerikan Robert Menendez është dënuar me 4 vjet e gjysmë burg për ndihmë ndaj burrit të saj në një skemë ryshfeti që përfshinin para dhe shufra ari, makina luksoze dhe pagesa hipotekare.
Prokurorët kërkuan një dënim për Nadine Menendez prej të paktën shtatë vjetësh, ndërsa mbrojtja kërkoi një dënim prej një viti, duke përmendur trajtimet e vazhdueshme për kancerin dhe shqetësimet lidhur me kujdesin shëndetësor në burg.
Gjykatësi vendosi të japë një dënim “dukshëm më të ulët”, duke caktuar datën e lirimit të Menendez për 10 korrik 2026. Vendimi përfshin një dënim prej 4.5 vitesh burgim dhe tre vite lirim me mbikëqyrje, si dhe një gjobë prej 1,400 dollarësh.
Gjatë seancës dëgjimore, Menendez iu drejtua gjykatës me lot në sy, duke thënë se e konsideronte bashkëshortin e saj, një “shpëtimtar” pas një martese abuzive dhe se, ndonëse nuk e kishte imagjinuar kurrë që dikush në pozicionin e tij do ta shtynte të bënte diçka të paligjshme, ajo merr përgjegjësi të plotë për veprimet e saj.
Gjyqi i saj erdhi pas dënimit tëMenendez për rolin e tij në skandalin e ryshfetit, i cili dha dorëheqjen nga Senati. Ai tashmë po vuan një dënim prej 11 vitesh.
Gjatë një kontrolli nga FBI-ja në shtëpinë e çiftit, u gjetën më shumë se 480,000 dollarë në para të gatshme, lingota ari dhe 70,000 dollarë në kasafortën e Menendez.
Komente
