Një burrë dhe një grua janë arrestuar në Shtetet e Bashkuara, pasi në veturën e tyre u gjet kokainë e fshehur në një kuti e cila dukej si tortë, njoftoi DEA amerikane.
Agjentët e DEA-s ndaluan fillimisht makinën pas informatave të dhëna nga disa burime anonime. Prania e lëndës narkotike u zbulua nga një qen i trajnuar.
Brenda veturës, forcat e rendit gjetën rreth 1.8 kilogram kokainë dhe rreth 1.900 dollarë kesh, që besohet se janë fituar nga shitja ilegale e drogës, shkruan CNN.
Një pjesë e drogës së gjetur ishte shtypur në formë blloku dhe ishte mbështjellë me mbështjellës torte, njoftoi komandanti lokal i DEA-s, Peter Arno. Mbi lëndën narkotike trafikantët kishin vendosur një shtresë të hollë kafeje për t’ia larguar erën.
Vlera e lëndës narkotike të d konfiskuar është vlerësuar rreth 200.000 dollarë.
Komente
