SHBA- Është ngritur në fluturim këtë javë aeroplani më i madh në botë që i ka krahët më të gjatë se një fushë futbolli.
“The Roc” qëndroi gjashtë orë në ajër, një rekord i ri sipas ekspertëve amerikanë të aeronautikës. I mundësuar nga gjashtë motorët e tij, The Roc u ngrit në fluturim nga Porti Ajror dhe Hapësinor “Mojave” në Kaliforni. I ndërtuar nga kompania “Stratolaunch”, aeroplani transportues më i madh në botë po shërben për të mbajtur raketa hipersonike të ushtrisë amerikane.
Sipas medieve amerikane, teknologjia hipersonike që po përdor sot ushtria amerikane mund të përdoret në të ardhmen e afërt për transport njerëzor. Raketa hipersonike Talon-A që po testohet aktualisht, do të mund të shërbejë për të transportuar njerëz me një shpejtësi mbi 5000 kilometër në orë. Po ta llogarisësh, do të shkonim për disa minuta në Romë dhe për një ccerek ore në Londër. Kaq e mahnitshme është shpejtësia hipersonike që mund të vihet në funksion të privatit në dekadat në vijim.
