SHBA- Krishtlindja erdhi më herët për një burrë nga Massachusetts, SHBA, i cili fitoi jo një, por plot gjashtë lotari shtetërore.
Raymond Roberts, 60 vjeç tha se ndoqi "intuitën" e tij me fitimin e lotarisë gjashtë herë në një short më 13 dhjetor për një çmim total prej mbi 2 milionë dollarë.
Ai u tha zyrtarëve të lotarisë se "intuita" e tij e shtyu atë të blinte bileta të shumta, të gjitha me të njëjtat numra. Ai tha se shifrat kishin kuptime të veçanta. Numrat në çdo biletë ishin një kombinim i datave të përvjetorit dhe ditëlindjeve, një seri që shteti tha se ai kishte luajtur në lojëra për më shumë se 20 vjet.
Roberts zgjodhi të merrte një shumë të përgjithshme për pesë nga biletat, duke fituar gati 2 milionë dollarë në total, ndërsa për biletën e gjashtë, ai zgjodhi opsionin e pensionit, që do të thotë se ai do të marrë gjithashtu 20 pagesa vjetore prej 25,000 dollarë me vlerë 390 mijë dollarë.
