Bota

SHBA, nisin homazhet për ish-presidentin Jimmy Carter 

8 Janar, 14:50| Përditesimi: 8 Janar, 16:05

  • Share

Udhëheqës amerikanë iu bashkuan homazheve për ish-presidentin Jimmy Carter i cili pati post-presidencën më të gjatë dhe më të admiruar në histori teksa trupi i tij  u shtri në Kongresin e SHBA përpara funeralit të tij të enjten. 

Anëtarë të Kongresit dhe disa gjyqtarë të Gjykatës së Lartë u mblodhën rreth arkivolit të mbuluar me flamur të Carter-it nën kupolën e Kapitolit. Disa vlerësuan veprimet e Carter si presidenti i 39-të dhe punën humanitare që ai ndoqi për dekada pas largimit nga detyra në 1981.

Zëvendëspresidentja Kamala Harris, e cila i përket Partisë Demokratike njësoj si Carter, tha se Carter "e la botën më mirë se sa e gjeti". Republikanët John Thune, udhëheqësi i Senatit dhe Mike Johnson, kryetari i Dhomës së Përfaqësuesve, folën gjithashtu ndërsa anëtarët e familjes Carter dhe ligjvënës të tjerë vëzhguan. 

Arkivoli i Carter-it, i veshur me flamur, mbërriti në pas një kortezhi funebër. Carter, i cili shërbeu një mandat në Shtëpinë e Bardhë nga 1977 deri në 1981, vdiq më 29 dhjetor 2024 në moshën 100-vjeçare.

Eshtrat e Carter do të qëndrojnë në Rotunda të Kapitolit për tre ditët e ardhshme, në mënyrë që anëtarët e Kongresit dhe publiku të bëjnë nderimet e tyre. Trupi i tij do të udhëtojë me autokolonë të enjten për një shërbim funerali në Katedralen Kombëtare të Uashingtonit.

Xh.K/I.M/ReportTv.al
Komento

Komente

  • Sondazhi i ditës:

    Programi i PS, a ju duken të realizueshme objektivat ekonomikë?