Për të dytën ditë radhazi protesta të shumta kanë përfshirë SHBA, pasi të dielën policia e Wisconsin qëlloi me armë duke plagosur një person me ngjyrë, në kohën që ai po hipte në automjetin personal dhe teksa fëmijët e tij po shikonin ngjarjen nga makina.
Imazhet e sulmit të policisë u shpërndanë në media dhe shkaktuan zemërimin e popullsisë, të irrituar që prej vrasjes disa kohë më parë të afroamerikanit George Floyd.
Guvernatori dhe kreu i Bashkisë së Wisconsin u shprehën se do të krijojnë kushtet e sigurisë për protestuesit, ndërkohë që ekziston frika e përhapjes së një valë të dytë infeksionesh Covid-19.
Protestuesit të hënën u mblodhën përpara ndërtesës së gjykatës në Kenosha dhe u përleshën me policinë.
Zyrtarët kanë frikë për rikthimin e protestave të ngjashme me ato që u shfaqën pas vdekjes së George Floyd, të cilit u përhapën në rang global.
