Shteti i Luizianës në SHBA raportoi të hënën (6 janar) vdekjen e parë njerëzore nga gripi i shpendëve në vend, sipas Departamentit të Shëndetit të Luizianës.
Pacienti i moshës 65 vjeç me kushte themelore mjekësore, ishte i ekspozuar ndaj tufës së shpendëve të egër, tha departamenti në një deklaratë.
“Departamenti shpreh ngushëllimet më të thella për familjen dhe miqtë e pacientit teksa vajtojnë humbjen e të dashurit të tyre. Ndërsa rreziku aktual për publikun e gjerë mbetet i ulët, njerëzit që punojnë me zogj, shpendë ose lopë, ose kanë ekspozim rekreativ ndaj tyre, është më i lartë”, thuhet në deklaratë.
Sipas ekspertëve, virusi mund të përhapet nga kafshët te njerëzit nëpërmjet ajrit nëse shepndët ose lopët e infektuara përhapin grimca virusi në ajër.
“Ne e kemi studiuar këtë virus për 25 vite dhe kjo është ndoshta forma më e keqe e virusit që kemi parë. Pra, fakti që më në fund shkaktoi një infeksion fatal këtu është tragjik, por jo befasues,” tha Dr. Richard Webby, i cili drejton Qendrën Bashkëpunuese të Organizatës Botërore të Shëndetësisë për Studime mbi Ekologjinë.
Por, rreziqet nuk vijnë nga gatimi i mishit të pulës dhe vezëve të papërpunuara. Kur njerëzit infektohen simptomat janë të ngjashme me ato të gripit të zakonshëm dhimbje të fytit, kollë, rrjedhje ose hundë të bllokuar, ethe ose të dridhura, dhimbje koke, lodhje, dhimbje të muskujve ose të trupit, apo edhe diarre. Rasti i parë njerëzor në Shtetet e Bashkuara me gripin e shpendëve u raportua në prill.
Komente
