Presidenti i SHBA Donald Trump emëroi të mërkurën negociatorin Robert O'Brien si këshilltar të sigurisë kombëtare.
Presidenti Trump e bëri njoftimin në Twitter, menjëherë pasi shpalli se do të rrisë në mënyrë të ndjeshme sanksionet kundër Iranit.
O'brien zëvendëson John Bolton i cili dha dorëheqjen nga ky post javën e kaluar.
Shkarkimi i Bolton, nuk ishte i befasishëm për shumë zyrtarë në Shtëpinë e Bardhë. Ai disa herë ka qenë në kundërshtim me Sekretarin e Shtetit Mike Pompeo, një nga besnikët kryesorë të Presidentit.
Ka pasur gjithashtu shenja se Bolton, i vlerësuar si i linjës së ashpër në çështjet e sigurisë, ka patur divergjenca me presidentin në politikën për Iranin dhe Korenë e Veriut.
Kush është Robert O'Brien?
O'Brien është i diplomuar në Shkollën e Drejtësisë Boalt Hall në Shtetet e Bashkuara.
O'Brien është i dërguar presidencial për çështjet e pengjeve jashtë vendit në Departamentin e Shtetit dhe ka një karrierë të gjatë në qarqet republikane të politikës së jashtme.
O'Brien më parë mbante postin e bashkë-presidentit për Partneritetin publik-privat pranë Departamentit të Shtetit.
Ai është partneri themelues i Larson O’Brien LLP në Los Angeles, një firmë gjyqësore e njohur në shkallë vendi. Praktika e tij juridike përqendrohet në proceset gjyqësore komplekse dhe arbitrazhin ndërkombëtar.
Komente
