Zëvendëssekretari i Mbrojtjes Patrick Shanahan është emëruar shef i ri i Pentagonit, lajm i cili është njoftuar nga presidenti amerikan Donald Trump.
Vendimi i presidentit të Shteteve të Bashkuara të Amerikës, për të zgjedhur Shanahan si Sekretarin e ri Amerikan të Mbrojtjes vjen pas dorëheqjes së ish sekretarit James Mattis i cili më herët ishte deklaruar në letrën e dorëheqjes që pikëpamjet e tij nuk janë plotësisht “të përafërta” me ato të presidentit Donald Trump, transmeton BBC.
Përmes një postimi në rrjetin e tij social në Tëitter, presidenti amerikan Trump njofton se Shanahan do ta marrë rolin e tij më 1 janar.
“Është kënaqësi për mua të njoftoj se zëvendësministri i Mbrojtjes, Patrick Shanahan, do të shërbejë si ministër i Mbrojtjes prej 1 janar 2019. Patrick ka një listë të gjatë të arritjeve gjatë shërbimit si zëvendësministër i Mbrojtjes dhe më parë në ‘Boeing’. Ai do të jetë i shkëlqyeshëm,” shkruan Trump në Tëitter.
Jim Mattis u bë Sekretar i Mbrojtjes pak pas fillimit nga detyra të presidentit Trump dhe është një nga anëtarët më jetëgjatë të kabinetit.
Ndërkohë, pak ditë më parë PresidentiTrump ishte deklaruar se sekretari amerikan i Mbrojtjes James Mattis, do të largohej nga posti i tij në muajin shkurt për të dalë në pension pas ushtrimit prej dy vitesh të detyrës së tij si sekretar i mbrojtjes.
Lajmi për largimin e zotit Mattis doli një ditë pasi presidenti Trump njoftoi se trupat amerikane do të tërhiqeshin nga Siria, pasi forcat e mbështetura në Shtetet e Bashkuara kishin bërë një përparim të dukshëm ndaj forcave të shtetit islamik, një vendim që hasi në një kundërshtim nga anëtarët e kabinetitit të Pentagonit.
Komente
