Sot presidenti amerikan pritet të prezantojë tarifat e reja doganore ndaj importit të produkteve nga shumë shtete të botës. Ato sipas zdhënëses së Shtëpisë së Bardhë do të kenë efekt të menjëhershëm, por detajet mbi nivelin, forcën apo kategorinë e mallrave që ato do të prekin i jaën lënë ekskluzivisht presidentit amerikan që pritet ti njoftojë ato sot rreth orës 22 me orën tonë.
Corriere della sera ka analizuar raportimet e mediave në SHBA dhe shkruan se administrata e Trump ka diskutuar disa strategji.
Një hipotezë është tarifa fikse 20% për të gjitha importet, të cilat këshilltarët e Shtëpisë së Bardhë vlerësojnë se mund t'i lejojë qeverisë amerikane të sigurojë më shumë se 6 trilion dollarë të ardhura shtesë.
Nëse hipoteza do të konfirmohej, shkalla e papunësisë në Shtetet e Bashkuara do të ngrihej në 7.3%, GDP do të binte me 1.7% dhe e gjithë ekonomia botërore do të rrezikonte recesionin, sipas Moody's.
Një mundësi tjetër është që të vendosen nivele të ndryshme tarifash në varësi të vendeve dhe barrierave tregtare që ato kanë për produktet amerikane.
Zyrtarët amerikanë shpjeguan se disa vende mund t'i shmangin tarifat krejtësisht duke hyrë në marrëveshje tregtare me Shtetet e Bashkuara.
Tarifat reciproke dhe ato për makinat, të cilat do të hyjnë në fuqi nga 3 prilli, do t'u shtohen atyre që janë tashmë në fuqi duke përfshirë ato prej 25% që SHBA aplikon tashmë për të gjitha importet e çelikut dhe aluminit.
Sipas Bloomberg, prodhuesit amerikanë të makinave po ushtrojnë presion mbi qeverinë amerikane për të kufizuar ndikimin e tarifave në sektorin e automobilave.
Në veçanti, sipas burimeve të njohura me këtë çështje, Ford, General Motors dhe Chrysler, që është pjesë e grupit Stellantis, kanë pasur takime me Shtëpinë e Bardhë, Departamentin e Tregtisë dhe zyrën e Përfaqësuesit të Tregtisë së SHBA-së për të diskutuar përjashtimin e disa prej komponentëve.
Zëdhënsja e Shtëpisë së Bardhë Caroline Leavitt sqaroi se presidenti Trump është gjithnjë i hapur për telefonata dhe ndaj negociatave të mira duke lënë të kuptojë se Donald trump mund të negociojë me liderë shtetesh.
Komente
