Shtetet e Bashkuara të Amerikës kanë vënë veton ndaj një rezolutë të Këshillit të Sigurimit në OKB, e cila bën thirrje për një pauzë humanitare në luftën Izrael-Hamas. Ambasadorja e SHBA në Kombet e Bashkuara Linda Thomas-Greenfield u shpreh se teksti nuk respekton të drejtën e Izraelit për t’u mbrojtur, tha ambasadori amerikan.
Dymbëdhjetë nga 15 anëtarët e Këshillit votuan në favor të rezolutës së paraqitur nga Brazili dhe negociuar gjatë disa ditëve, ndërsa Rusia dhe Mbretëria e Bashkuar abstenuan. Edhe veni ynëa mbajti një qëndrim parimor. Pavarësisht votës kundër të Shteteve të Bashkuara të Amerikës që mbështeti Izraelin dhe të drejtën për mbrojtje të tij dhe abstenimit të Britanisë së Madhe, Shqipëria u rendit në kahun e vendeve që dënojnë çdo sulm ndaj civilëve, si edhe aktet terroriste të Hamas kundër Izraelit. Shqipëria votoi pro rezolutës që kërkon respektim të ligjit ndërkombëtar për civilët, përfshirë dhe personelin mjekësor dhe kërkon akses për organizatat humanitare për të dërguar ndihma.
Shtetet e Bashkuara ishin kundër, por si një nga pesë anëtarët e përhershëm të Këshillit të Sigurimit vota llogaritet si një veto.
“Shtetet e Bashkuara janë të zhgënjyera që kjo rezolutë nuk përmend të drejtat e Izraelit për vetëmbrojtje”- tha Linda Thomas-Greenfield, ambasadore e SHBA.
