Shtetet e Bashkuara zhvilluan një sulm kundër depove të armëve Houthi në Jemen duke përdorur gjithashtu bombarduesin e famshëm B-2, avionin luftarak më të shtrenjtë të prodhuar ndonjëherë.
Komanda qendrore e ushtrisë amerikane specifikoi se përdorimi i këtij lloji avioni "demonstron aftësitë globale të goditjes së Shteteve të Bashkuara kundër këtyre objektivave kur është e nevojshme, në çdo kohë, kudo".
"Forcat e Qendrës së Komandës Qendrore (Centcom) kryen sulme ajrore të shumta dhe të sakta në depo të shumta armësh të rebelëve Houthi në zonat e kontrolluara prej tyre në Jemen", thuhet në shënimin ku flitet për magazina që përmbajnë armë konvencionale të avancuara të përdorura kundër ushtrisë amerikane dhe anijet civile që lundrojnë në ujërat midis Detit të Kuq dhe Gjirit të Adenit.
Këto veprime - vazhdon deklarata - u ndërmorën për të zvogëluar aftësinë e rebelëve Houthi. Rebelët, nëpërmjet qendrës së tyre politike njoftuan pas goditjes amerikane se do të reagojnë.
