SHBA- Një stuhi dëbore e papërballueshme ka kapluar SHBA-në, duke lënë pas të paktën 6 viktima dhe miliona biznese e shtëpi pa energji elektrike.
Situata paraqitet më emergjente në disa shtete, si Alabama, Oregon, Oklahoma, Kansas, Kentucky, Mississippi dhe Texas.
I ftohti i hidhur i shoqëruar me stuhi, dëborë dhe pasojat e rënda kanë thyer rekorde ditën e hënë në SHBA.
Pavarësisht mobilizimit të ekipeve të specializuara për normalizimin e situatës, pastrimit të rrugëve dhe kthimin e energjisë elektrike në zonat të cilat tashmë është shkëputur, temperaturat e ulëta dhe stuhia do të zgjasë edhe në ditët në vazhdim.
Presidenti i SHBA-së, Joe Biden shpalli gjendjen e emergjencës në Teksas duke i hapur rrugë Departamentin të Sigurisë Kombëtare dhe Agjencisë Federale të Menaxhimit të Emergjencave të koordinojnë përpjekjet për ndihmë dhe të sigurojnë gjithçka që i nevojitet atyre që janë preken nga stuhia.
Moti i keq ka pezulluar edhe fluturimet në të gjithë vendin si dhe ka penguar vazhdimin e procesit të vaksinimit të qytetarëve kundër COVID-19.
