Sot Shtetet e Bashkuara festojnë 249-vjetorin e Pavarësisë. Më 4 korrik të vitit 1776 delegatët e 13 kolonive britanike të Amerikës nënshkruan Deklaratën e Pavarësisë, e cila thuhet se ishte shkak i Revolucionit Amerikan.
Urimii i parë erdhi nga Presidenti Bajram Begaj ku shprehu mirënjohje për miqësinë dhe partneritetin mes SHBA-së dhe Shqipërisë.
“Gëzuar 4 Korrikun ! Në këtë ditë feste për miqtë dhe aleatët tanë amerikanë, Shqipëria shpreh mirënjohjen e saj të thellë për miqësinë e qëndrueshme dhe partneritetin strategjik me Shtetet e Bashkuara”, shkroi Begaj.
Festimi i 4 korrikut nderon nënshkrimin e Deklaratës Amerikane të Pavarësisë nga 'baballarët' themelues të SHBA-së. Diplomati i njohur i shtetit, Thomas Jefferson së bashku me filozofin politik Benjamin Franklin ishin ndër emrat e shumtë që hoqën dorë nga sundimi britanik dhe i shpallën kolonitë e Amerikës së Veriut si shtete të lira.
Dita e Pavarësisë në SHBA kremtohet me parada madhështore, festime familjare dhe mbyllet me hedhjen e fishekzjarrëve.
lajm ne perditesim...
Foto: Bajram Begaj
SHBA sot feston 249-vjetorin e Pavarësisë. Në këtë ditë të veçantë për popullin amerikan presidenti Bajram Begaj përmes një postimi në rrjetet sociale shprehte se vendi ynë shpreh mirënjohje për miqësinë e qëndrueshme dhe partneritetin strategjik me Shtetet e Bashkuara.
“Gëzuar 4 Korrikun ! Në këtë ditë feste për miqtë dhe aleatët tanë amerikanë, Shqipëria shpreh mirënjohjen e saj të thellë për miqësinë e qëndrueshme dhe partneritetin strategjik me Shtetet e Bashkuara. Ne qëndrojmë të bashkuar në angazhimin tonë të përbashkët ndaj vlerave demokratike, paqes dhe sigurisë globale, dhe presim me padurim forcimin e mëtejshëm të lidhjeve midis dy kombeve tona të mrekullueshme”, shkroi Begaj në rrjetet sociale.
Foto: Kosovë
Sot SHBA-të festojnë 249-vjetorin e Pavarësië. Në nder të kësaj dite ndërtesa e Qeverisë së Republikës së Kosovës është ndriçuar me ngjyrat kuqe, bardh dhe blu- në simbol të flamurit amerikan.
Ky veprim simbolik u bë i ditur nga Ambasada e Kosovës në Uashington, e cila përmes një postimi në rrjetin social X tha se ndriçimi i objektit qeveritar përfaqëson “shenjë të mirënjohjes së thellë dhe miqësisë së palëkundur” ndërmjet Kosovës dhe SHBA-së.
“Happy 4th of July!”, thuhet në urimin e Ambasadës, ndërsa Kosova, si çdo vit, nderon aleatin e saj më të madh në ditën e Pavarësisë së tij.
Komente
