Shtetet e Bashkuara janë të vendosur për të vënë para drejtësisë të gjithë kriminelët e luftës, pavarësisht përkatësisë së tyre kombëtare, janë shprehur kështu Ambasadori i përgjithshëm për Zyrën e Drejtësisë Penale Globale, Morse H. Tan dhe ambasadori në Prishtinë, Philip Kosnett.
Të dy ambasadorët, thuhet në një njoftim të ambasadës amerikane, i bënë këto komente gjatë një takimi me kryeprokurorin e shtetit Aleksandër Lumezi dhe prokurorët nga Departamenti i Krimeve të Luftës në Zyrën e Prokurorisë së Posaçme të Kosovës. Ambasadori Kosnett, tha se “përgjigja ndaj padrejtësisë është më shumë drejtësi”.
Ndërsa shefi i departamentit për krime lufte, Blerim Isufaj, citohet të ketë thënë se mungesa e bashkërendimit me Serbinë dhe pamundësia për t'u anëtarësuar në Policinë Ndërkombëtare (INTERPOL) dhe organizatave tjera ndërkombëtare paraqesin pengesa për punën e departamentit.
Diplomatët amerikanë thuhet në njoftim, u zotuan për mbështetje shtesë për Departamentin e Krimeve të Luftës.
Krimet e luftës në Kosovë që nga vitit 1999 janë trajtuar fillimisht nga Misioni i Kombeve të Bashkuara ndërsa pas shpalljes së pavarësisë së Kosovës në shkurt të vitit 2008, lëndët kaluan tek EULEX-i. Që nga viti 2018, me shkurtimin e përgjegjësive të këtij misioni, çështjet e krimeve të luftës trajtohen nga Prokuroria e Posaçme e Kosovës, e njohur ndryshe si Gjykata Speciale. Aktualisht në Hagë gjenden 5 ish-luftëtarë të UÇK-së, mes tyre ish-presidenti Hashim Thaçi, ish-krye parlamentari Jakup Krasniqi, kreu i PDK-së Kadri Veseli dhe deputeti Rexhep Selimi dhe Salih Mustafa.
Ambassador Morse Tan and I met with CSP Lumezi and the SPRK to discuss the challenges of bringing domestic war crimes prosecution to completion. The @StateDept_GCJ and the U.S. Embassy are committed to supporting this important work. https://t.co/4nazlBbejA
— Ambassador Philip S. Kosnett (@USAmbKosovo) December 15, 2020
Kundërshtarët e Gjykatës së Posaçëm thonë se në këtë mënyrë po bëhet barazimi me mizoritë e kryera nga forcat serbe gjatë luftës së viteve 1998 – 1999, që mori fund me ndërhyrjen e NATO-s dhe e cila la pas vetes mbi 10 mijë të vrarë dhe mijëra të zhdukur.
Komente
SHBA DHE ZOTI ËSHTË NJË...!!!
Përgjigju