Një person u qëllua për vdekje në Portland, Oregon të SHBA-së ku protestuesit e Lëvizjes ‘Black Lives Matter’ u përleshën me një grup të madh mbështetësish të presidentit Donald Trump.
Portland prej tre muajsh ka qenë skenë e protestave, që nga vrasja e afrikano amerikanit George Floyd nga policia në Minneapolis.
Trump iu referua qytetit në fjalimin e tij të enjten duke pranuar nominimin e republikanëve si kandidat për president për një mandat të dytë.
Më 26 gusht, gjatë protestave të organizuara pas vrasjes së Jacob Blake, një afrikano-amerikan i cili u qëllua nga pas shpine në prani të fëmijëve të tij dhe që sipas familjarëve të cilët kanë cituar raportimet e mjekëve, do të mbetet i paralizuar për gjithë jetën gjetën vdekjen dy persona.
Nga New York-u në Seattle, lëvizja 'Black Lives Matter' doli në rrugë për të protestuar kundër brutalitetit të policisë ndaj afrikano-amerikanëve dhe minoriteteve të tjera në vend.
