BULQIZË- Një masiv minerali ka rënë në një galeri në një minierë në Bulqizë. Për pasojë dyshohet se ka mbetur i bllokuar brenda saj një minator.
Policia njofton se ngjarja ka ndodhur rreth orës 12:10, ku sipas punëtorëve brenda në galeri ka mbetur i bllokuar një minator. Identiteti i personit të bllokuar është Muharrem Plaku rreth 60 vjeç, ndërkohë që nuk dihet nëse është gjallë apo ka vdekur.
Report Tv ka mësuar se ngjarja e rëndë ka ndodhur në galerinë e subjektit minerar KADURTEX sh.p.k. Kapllan Durici është administrator i kompanisë me bashkëpronarë vëllezërit e tij Myfit dhe Ilber Duriçi, të tre nga 33% të aksioneve. Ata janë të afërm të ish kryetarit të bashkisë së Bulqizës deri në vitin 2014, Mufit Duriçi.
Mësohet se grupi i avari-shpëtimit të minierave po punojnë për pastrimin e galerisë dhe ardhjen në ndihmë të punëtorit që dyshohet se ka mbetur në galeri.
'Me datë 15.09.2021, rreth orës 12.10, në një subjekt minerar në Bulqizë, ka patur një rënie të një masivi minerali dhe nga informacionet paraprake të punëtorëve, dyshohet se ka mbetur i bllokuar në galeri një punëtor.
Grupi i avari-shpëtimit të minierave po punojnë për pastrimin e galerisë dhe ardhjen në ndihmë të punëtorit që dyshohet se ka mbetur në galeri. Grupi hetimor vijon hetimet në vendngjarje për zbardhjen e shkaqeve të ngjarjes.'- njofton policia.
(Kliko këu për ekstraktin historik të rregjistrimit tregtar)
Kur kanë kaluar më shumë se 6 orë, minatori Muharrem Plaku vijon të jetë i bllokuar në një galeri në një minierë në Bulqizë, pas rënies së një masivi minerali. Grupet e shpëtimit vijojnë me nxjerrjen jashtë metalit, ndërsa nuk ka ende asnjë informacion për gjendjen e Plakut.
Muharrem Plaku është minatori i cili ka mbetur i bllokuar në minierën e Bulqizës, pasi u shemb një galeri mineralesh. Minatori, Muharrem Plaku është rreth 60 vjeç, ndërkohë që ende nuk dihet nëse është gjallë apo vdekur.
Komente
Kush i licenson keto miniera pirate ne Bulqize? Jane mbi 100 miniera te ndryshme anonime qe nxjerrin krom.
PërgjigjuPidhi motres tende miniera anonime flisni ne ajer minier pra me kushte me te mira se ne kohen e xhaxhit ca do ti qender tregtare.