Degradimi i rrugës Rrëshen-Bukmirë, e ndërtuar në vitin 2018 ngriti në proteste banoret e zonës së Kaçinarit. Ata u mblodhën para bashkisë Mirditë nga ku kërkuan ndërhyrje të shpejtë për rikonstruksionin e rrugës sepse u rrezikohet jeta. Rruga ka pesuar shembje te shumta si pasoje erozionit. Banoret shprehen se prokuroria duhet te hetoje kete rast, duke pretenduar se janë kryer shkelje ne 2018, kur u ndertua kjo rruge.
"Rruga është shembur dhe ne rrezikojmë jetën! Kur dalim në punë nuk dimë a kthehemi gjallë. Policia duhet të vije t'i vendose shiritin. Ajo rruge eshte skene krimi. prokuroria te hetoje ish-kryebashkiakun që e mori ne dorezim kete rrugë në 2018", thanë ata.
Kryetari i Bashkisë Mirditë Albert Mëlyshi tha se njesia vendore e ka të pamundur te ndërhyje me buxhetin e saj, por premtoi se do te kryhen nderhyrje të vogla me nje fond prej 200 mije lekesh.
Rruga rurale Rrëshen-Bukmirë me gjatësi 16 km u ndërtua në vitin 2018 nga kompania që shfrytëzon HECI-in në këtë zonë. Por cilësia e dobët e punimeve bëri që investimi të dëmtohet brenda një kohe të shkurter, duke penalizuar qindra banore të kesaj zone.
Komente
