TIRANË- Me shembjen e ish-godinës së ATSH-së, në Tiranë, inxhinieri Orhan Sakiqit i janë shkatërruar edhe kujtimet. Sot, kur nga ajo hapësirë kanë mbetur disa rrënoja, ai ka rrëfyer në emisionin 'Studio Live' me gazetarin Arbër Hitaj momentet e projektimit të kësaj godine, që për kohën ka qenë me e veçanta, Sakiqi tregon për kujtimet që ka pasur me Maks Velon, arkitektin dhe veçantinë që mbarte në vetëvete ajo godinë.
"Në 1966 u krijua zyra e projektimit, ku Koco Mio mori një grup arkitektësh që arriti në pak kohë të japë ndërtesa të një fryme të re, jo të butaforisë ruse, por me dinjitet. Të gjitha këto u kritikuan më plenjume, kur na e dha Koco, aty ishte klubi i gazetarëve, 13 m gjithsej hapësirë, zyrat q ato donin nuk na dilnin dhe prandaj e ndërtuam 7 kate dhe ishte për kohën ndërtesa më e lartë se 1973 kur u ndërtua 15 katëshi i famshëm, për kolonat dhe hapësirën e xhamit hyri në veprat me arkitekturë logjike dhe konstruktive, por pasi kaloi këshillat teknike me pak vërejtje, filluan kritikat pas 1973, dhe u kritikuan për xhamllik të tepërt dhe shpenzim të tepërta, shpenzimet ishin shumë të vogla se materialt ishin vendi, pak cimento e bardhë importi dhe me lutje të vazhdueshme në Ministri, se ndërmarrja nuk kishte mundësi. E veçantë ka pasur lartësinë, kolonat në dukje dhe shumë xhamllik, zyrat ishin të zakonshme, ajo mbante që të shonte dhe 4 kate të tjera, se mbante, por ka interesa të tjera", tha Sakiqi.
Ajo që e ka mërzitur më shumë në këtë histori është argumenti që është dhënë për shembjen, që është dëmtuar nga tërmeti i 26 nëntorit. Kjo sipas inxhinierit,nuk qëndron pasi sipas tij godina kishte një strukturë shumë të fortë.
"Godina nuk kishte asnjë plasaritje, pra asnjë lloj tërmeti nuk i ka shkaktuar plasaritje se është ndërtuar me beton dhe ai raport me rrezik shembje nuk gjetet sot, e kam ndjekur çështjen, se të thonin do e prishim dhe do bëjmë një ndërtesë tjetër, ishte një gjë jo e mirë, por të thuash që është në rrezik shembje është aspak profesionale se e kam ndjekur atë godinë, deri në fund se është godina e parë nga unë dhe Maks Velo, dhe godinat nuk kanë vetëm fillimin e tyre, por kanë edhe ndjenjat e tyre, kanë edhe hidhërimet e tyre, më larguan nga projektimi dhe e largova pastaj dhe punova jashtë punës, e kishim si një vend takimi me Maksin dhe ta prishësh në mënyrë të pabesë është e kot", përfundoi Sakiqi në Report Tv.
Historiku i shembjes së godinës
Vendimi në këshillin bashkiak për shembjen është marrë në 9 nëntor të vitit 2020, megjithatë shembjet e para në godinën nisën vetëm mesditën e 8 dhjetorit, në një proces që duket se do zgjasë për vet vështirësitë në shembje që krijohen nga dy godinat ngjitur me ish-ATSH-në.
E klasifikuar monument kulture i kategorisë së dytë në vitin 2007, ish-ATSH pritet të shndërrohet në një objekt arsimor. Të paktën kështu thuhet në tenderin e shpallur më 2 nëntor 2020 të fituar nga kompanitë Fusha Shpk dhe Edil.al me vlerë njëqind e dyzet e tre million e tetëqind e katërmbëdhjetë mijë e njëqind e shtatëdhjetë e një lekë pa TVSH. Kohëzgjatja e kontratës së kompanive fituese ishte 9 muaj, që do të thotë se në gusht 2021 godina e re duhej të ishte në këmbë.
Kompanitë u shpallën fituese në garën tenderuese për rindërtimin e 14 objekteve arsimore, megjithatë nuk ka dokumente plotësuese të fituesve që të saktësojnë konkretisht se çfarë do ndërtohet në sipërfaqen rreth 2000 metra katrorë në Bulevardin Zogu i Parë në Tiranë. Më herët, shumë muaj para shpalljes së tenderit, në mars të 2020-ës, në studimin e projektimit për 7 katëshin, flitej për ndërtimin e një godine të re që të shpërbente si zyra për administratën publike me kapacitet rreth 300 persona.
Komente
Mua me kane frike sepse shemb ndertesa pa dallim por ne Shqiperi ka me te keqinj se une atje po shemben ndertesa historike qe jane monumente kulture.
Përgjigju