LEZHË- Dy persona kanë mbetur të plagosur mbrëmjen e sotme si pasojë e 2 konfikteve të ndryshme të ndodhura mes disa personave.
Një 18 vjeçar i identifikuar si Rafaelo Lleshi, ka mbetur i plagosur pas goditjeve me kaçavidë nga 21 vjeçari Xhovani Perlesi në sherrin e ndodhur në rrugën "Luigj Gurakuqi" në afërsi të xhamisë së qytetit. Policia ka nisur hetimet për ngjarjen dhe ka shoqëruar në komisariat disa persona.
Ndërsa një tjetër 35 vjeçar ka mbetur i plagosur në Fushë-Mamurras të Kurbinit, ku është goditur disa herë me thikë nga persona të paidentifikuar që janë larguar nga vendngjarja.
Mësohet se të dy të plagosurit janë dërguar në spitalin e Traumës ku po marrin ndihmën e nevojshme mjekësore.
Një tjetër plagosje ka ndodhur mbrëmjen në Fushë Mamurras të Kurbinit, ku një 35 vjeçar është qëlluar disa herë me thikë pranë banesës së tij.
Ai është dërguar me urgjencë drejt Spitalit të Traumës për të marrë ndihmën mjekësore. Policia e Lezhës ka mbërritur në vendngjarje për të zbuluar shkaqet dhe rrethanat e ngjarjes.
Deri më tani, nuk bëhen me dije identitetet e personave që kanë kryer plagosjen e 35 vjeçarit.
