Foto ilustruese

Kronikë

Sherr mes disa personave në Kurbin, njëri plagoset me thikë

16 Prill, 17:14| Përditesimi: 16 Prill, 17:19

  • Share

Një sherr mes disa personave ka ndodhur pasditen e kësaj të mërkure në Milot, ku njëri prej tyre është plagosur me thikë dhe ka përfunduar në spital.

Sipas njoftimit të policisë 30-vjeçari A.A banues në Malbardhë është goditur me thikë nga një nga tre personat e tjerë dhe është duke u mjekuar në spital, ku rezulton jashtë rrezikut për jetën.

Policia po punon për zbardhjen e ngjarjes dhe për hetimin e rrethanave të konfliktit. 

"Rreth orës 14:55, në Milot, dyshohet se janë përfshirë në një konflikt të çastit, shtetasit E. K., K. K. (vëllezër), G. K., të tre banues në Milot dhe A. A., banues në Malbardhë.

Si pasojë është dëmtuar, dyshohet me mjet prerës, shtetasi A. A., rreth 30 vjeç, i cili është dërguar në spital, për mjekim, në gjendje jashtë rrezikut për jetën.

Shërbimet e Policisë po kryejnë kontrolle në zonë, për kapjen e shtetasve të përfshirë në konflikt.

Ndërkohë, grupi hetimor po kryen veprimet për zbardhjen e rrethanave të konfliktit", thuhet në njoftimin e policisë.

 

H.K/ReportTv.al
Komento

Komente

  • Sondazhi i ditës:

    Fushata për 11 majin, a i besoni premtimet e partive politike?