ELBASAN- Një konflikt për motive të dobëta ka ndodhur pasditen e sotme në Elbasan, ku për pasojë një i ri 21-vjeçar ka mbetur i plagosur me thikë. Autori i ngjarjes është një 54-vjeçar me iniciale P.R., banues në Elbasan.
Pasi goditi me thikë të riun, ai u largua nga vendngjarja, por më pas u zbulua vendndodhja e tij dhe u kap nga efektivët e Policisë.
Ngjarja ka ndodhur në lagjen “28 Nëntori” të qytetit pasi një konflikti të çastit dhe për motive të dobëta. 21-vjeçari me iniciale F.Sh i cili mbeti i plagosur u dërgua menjëherë në spital ku po merr ndihmën mjekësore.
Grupi hetimor, nën drejtimin e Prokurorisë, vijon veprimet hetimore për zbardhjen e plotë të rrethanave të ngjarjes.
Komento
