Kronikë
Top 24

Sherr në urban në Tiranë, të rinjtë bëjnë faturinon për spital dhe kundërshtojnë policinë

Dy persona janë arrestuar në kryeqytet, pasi dhunuan faturinon e linjës së autobusit Kinostudio- Kombinat dhe kundërshtuan punonjësit e policisë.

7 Korrik 2019, 10:54| Përditesimi: 7 Korrik 2019, 11:14

  • Share

TIRANË-Dy persona janë arrestuar në kryeqytet, pasi dhunuan faturinon e linjës së autobusit Kinostudio- Kombinat dhe kundërshtuan punonjësit e policisë.

Mbrëmjen e djeshme, në rrugën e “Dibrës” në Tiranë, në autobusin e linjës-Kinostudio- Kombinat dy personat me inicialet A.T. dhe F.K. pas një konflikti të çastit kanë dhunuar faturinon e linjës së autobusit. Drejtuesi i autobusit kur ka parë dy punonjës të policisë rrugore  që ishin me shërbim në afërsi të spitalit "Nënë Tereza", ka ndaluar autobusin dhe ka kërkuar ndihmën e tyre. 

Punonjësit e Policisë rrugore kanë ndërhyrë menjëherë për të neutralizuar konfliktin. Dy të rinjtë A.T. 24 vjeç dhe F. K. 20 vjeç, banues në Tiranë, kundërshtuan  me dhunë edhe punonjësit e policisë, por u prangosën. 

Ata akuzohen për "Kundërshtim të punonjësit të policisë së rendit publik" dhe "Goditja për shkak të detyrës". Materialet në ngarkim të tyre i kaluan Prokurorisë të Rrethit Gjyqësor Tiranë për veprime të mëtejshme.

Komento

Komente

  • www.youngtribune.com: 07/07/2019 22:31

    Do shkojne dhe do marrin nje denim me burg.

    Përgjigju
  • asl: 07/07/2019 11:45

    Kafsha eshte mesuar vetem ne kafaz.

    Përgjigju
    • Tuçi: 07/07/2019 21:16

      Kur lëshohet në natyrë sulmon njeriun.

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?