TIRANE- Policia ka identifikuar dhe shpallur në kërkim autorin e plagosjes së 29 vjeçarit dje në Kamëz. Shkak? Sherri për parkimin.
Në kërkim është shpallur 23-vjeçarin Emanuel Buci, informon gazetari i Report Tv dhe Shqiptarja.com Sokol Dema.
Ngjarja ka ndodhur rreth orës 13:55 në Kamëz, kur Mikel Xhetani u konfliktua me autorin në afërsi të një banke për një vend parkimi.
Hetimet e shpejta të kryera nga Sektori për Hetimin e Krimeve të Rënda në bashkëpunim me Komisariatin Nr. 5 dhe Prokurorinë, bënë të mundur identifikimi i autorit të dyshuar.
Ndërkohë pamjet e kamerave të sigurisë kanë filmuar momentin e plagosjes në Kamëz ku autori dhe i plagosuri i u konfliktuan. Në foto të siguruara nga Report Tv duket momenti që autori del nga garazhdi dhe pas përplasjes me të riun nxjerr pistoletën dhe e plagos në këmbë.
Shërbimet e Policisë vijojnë ende kontrollet në të gjithë zonën me qëllim lokalizimin, kapjen dhe vënia në pranga të autorit dhe dokumentimin e plotë ligjor të ngjarjes.
Komente
