Çështjet e pronave janë një nga arsyet kryesore për konfliktet brenda familjes. Një rast i tillë është regjistruar në Tiranë, ku 3 vëllezër janë përfshirë në sherr për tokat.
Policia thotë se ndaloi "shtetasin A. I., 43 vjeç, pasi në fshatin Koçaj, pas një konflikti për motive pronësie me dy vëllezërit e tij, shtetasit Y. I dhe D. I., ka pushtuar me anë të forcës dhe dhunës tokën në pronësi të tyre, duke ushtruar edhe dhunë fizike".
Edhe në Vlorë ka nisur procedimi penal për një 66-vjeçar nga Dukati, pasi është konstatuar se në vendin e quajtur "Shën Vasil" Karaburun, në afërsi të lokalit të tij dyshohet se ka zaptuar një sipërfaqe toke ku ka bërë edhe ndërtim pa leje të organeve kompetente.
Ndërkohë në Tiranë dy persona të tjerë janë arrestuar për dhunë fizike dhe psikologjike ndaj bashkëshorteve. Materialet do t'i kalojnë Prokurorisë, për veprime të mëtejshme.
Komente
Velleze zenje per nje cope Toke.. Ptuuuu..se kure te vdesin Tokat i marin me vete te zgjuarit .. Grate fusin sherim ,,ndani Grate por jo Tokat ndermjete vellezerve .. Ju vrafte Zoti Ju vrafte ..
Përgjigju