Një person humbi jetën dhe 33 të tjerë u plagosën pas dy shpërthimeve në një pikë karburanti në Crevedia, afër Bukureshtit të shtunën.
Pas shpërthimit të parë, zjarri u përhap në një shtëpi aty pranë, duke shkaktuar evakuime dhe bllokim të qarkullimit rrugor, sipas agjencisë për situata emergjente (IGSU).
Rreth 25 makina zjarrfikëse ishin në vendngjarje për shuarjen e zjarrit, tha IGSU, raporton Reuters.
Sipas Ministrisë së Shëndetësisë, 4 persona u intubuan pasi pësuan djegie të rënda.
Një shpërthim i dytë ndodhi në stacionin e LPG-së të shtunën në mbrëmje duke plagosur 26 zjarrfikës, u tha gazetarëve zëvendësministri i Brendshëm Raed Arafat, i cili është përgjegjës për njësinë e reagimit emergjent.
Arafat tha se zjarri nuk ishte shuar ende dhe shpërthime të tjera mund të ndodhin pasi një tank i tretë në vend përbënte rrezik.
