Një nga legjendat më të bukura të letërsisë shqipe nga Eposi i Bjeshkëve të Lumës, “Tumja e Kajës” shkruar nga Petrit Palushi është vënë në skenë nga regjisori Glejvis Lleshaj dhe aktorët amatorë, nxënës të gjimnazit të Kukësit.
Legjenda tregon se si zanat e sjellin Kajën tek nëna e vet, nëna vdes e bëhet gurë e guri bëhet dritë.
Autori, Petrit Palushi vlerëson interpretimin e sidomos ruajtjen e origjinalitetit të dialektit geg. Edhe për regjisorin Lleshaj, loja e aktoreve amatore ishte befasuese.
Kjo shfaqje, një udhëtim nëpër historinë dhe traditën e Lumës, solli përjetime të thella emocionale tek publiku dhe artëdashësit.
“Tumja e Kajës” është një prej 60 legjendave të librit “Eposi i Bjeshkëve të Lumës” të mbledhura në terren dhe të rishkruara nga shkrimtari Petrit Palushi dhe të përkthyera në anglisht nga Hekuran Koka.
Komente
