Mbrëmjen e djeshme në fshatin Poçem të Fierit Inspektorati Kombëtar i Mbrojtjes së Territorit ka sekuestruar disa automjete, një eskavatyor dhe një kamion, që po kryenin ndërhyrje në lumin Vjosë me qëllim shfrytëzimin e inerteve të këtij lumi.
E pranishme për sekuestrimin ishte edhe policia e cila mbërriti në vendngjarje pas marrjes së informacionit se disa fadroma po kryenin ndërhyrje me qëllim shfrytëzimin e inerteve në shtratin e lumenjve.
Aksione të tilla nga IKMT në këtë zonë ka pasur edhe pak ditë më parë në Milot, ndërkohë që edhe më herët një tjetër aksion u zhvillua pranë urës së Drashovicës si dhe një javë më parë po në Milot si pasojë e të cilave janë sekuestruar dy automjete tip ‘fadrome’ që po kryenin ndërhyrje në grykëderdhje të lumit Mat.
Komente
