Këtë të mërkurë vendi ynë do të ndikohet nga kushte atmosferike relativisht të qëndrueshme. Temperaturat do të variojnë nga 18-34 gradë celcius.
Moti parashikohet i kthjellët e me vranësira mesatare e hera-herës deri të dendura në orët e mesditës në relievet malore në verilindje e juglindje. Vranësirat do të shoqërohen me reshje shiu me intensitet të ulët në zonën lindore të vendit, kryesisht në relievet malore, ndërsa pjesa tjetër e territorit parashikohet pa reshje.
Era do të fryjë me drejtim verilindje - veriperëndim me shpejtësi mesatare 7m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 7-14m/s.
Deti - Valëzimi forcës 1-3 ballë.
Komento
Komente
