Një 21-vjeçar nga Durrësi është arrestuar nga policia në Shijak pasi qarkullonte me një automjet me targa të vjedhura, ndërsa gjatë kontrollit iu gjet edhe një armë zjarri.
Policia thotë se në pranga u vu shtetasi G. M., 21 vjeç, banues në Durrës, i dënuar më parë për vjedhje.
"Shërbimet e Policisë, në vendin e quajtur “Sallmone”, Shijak, kanë ndaluar mjetin tip "Mercedez Benz", i cili rezultoi me targa të vjedhura, me drejtues shtetasin G. M. dhe pas kontrollit të ushtruar, në derën e automjetit u gjet një armë zjarri pistoletë "TT", me dy karikatorë me 14 fishekë, të cilët u sekuestruan në cilësinë e provës materiale", thuhet në njoftimin e policisë.
Materialet i kaluan Prokurorisë së Rrethit Gjyqësor Durrës, për veprën penale "Armëmbajtja pa leje", për të cilën parashikohet dënimi me burgim deri në 7 vjet.
Komente
