Kronikë

Shijak/ Trafik droge dhe organizatë kriminale në Itali, arrestohet durrsaku i dënuar me rreth 8 vite burg! Interpoli do e ekstradojë (VIDEO)

Po fshihej në fshatin Hardhishtë të Shijakut. Ishte shpallur në kërkim ndërkombëtar nga Interpol Roma, pasi Gjykata e Apelit e Firences, me vendimin e datës 8 tetor 2024, e ka dënuar me 7 vjet, 7 muaj e 12 ditë burgim, për për pjesëmarrje në organizatë kriminale për trafikimin e lëndëve narkotike

30 Korrik, 09:12| Përditesimi: 30 Korrik, 11:36

  • Share

Arrestohet durrsaku i kërkuar nga Italia për trafik droge dhe organizatë kriminale, i dënuar me rreth 8 vite burgim në mungesë.

Policia e Shtetit bëri sot me dije se Drejtoria e Forcës së Posaçme Operacionale, në bashkëpunim me Sektorin e Forcës së Posaçme Operacionale Durrës, finalizuan operacionin e koduar “Operacionalja 57”.  

I riu është banues në fshatin Pjezë të Durrësit, por me sa duket fshihej në zonat e Shijakut.

“Ky shtetas ishte shpallur në kërkim ndërkombëtar nga Interpol Roma, pasi Gjykata e Apelit e Firences, me vendimin e datës 08.10.2024, e ka dënuar me 7 vjet, 7 muaj e 12 ditë burgim, për për pjesëmarrje në organizatë kriminale për trafikimin e lëndëve narkotike”, bëri me dije policia. 

Interpol Tirana vijon procedurat në bashkëpunim me autoritetet italiane, për ekstradimin e këtij shtetasi.

A.Q/SI.E./ReportTv.al
Komento

Komente

  • Sondazhi i ditës:

    Prokuroria, GJL e Dhoma Avokatisë kundër draftit të Kodit Penal, si iu duket?