Vendgrumbullimi i mbetjeve mes Pjezës dhe Romanantit, në Shijak është përfshirë sot nga zjarri.
Nga pamjet e siguruara nga Report Tv, shihet se ndotja është masive në të gjithë zonën e Shijakut.
Sipas banorëve, mbetjet vijnë nga Durrësi dhe Sukthi dhe djegia e mbetjeve ka nisur prej orës 8 të mëngjesit.
Aroma e keqe dhe tymi ka përfshirë gjithë zonat si Hardhishte, Gjepalaj, Pjezë, Shetel dhe Eminas i Vogël.
Ky vendgrumbullim i mbeturinave është i përkohshëm dhe shërben për të menaxhuar situatën e mbetjeve urbane përkohësisht deri në vendosjen e një marrëveshje tjetër për eleminimin e tyre, ndërsa është i miratuar dhe me dokumentacionet përkatëse.
Djegia nuk bëhet nga institucionet sipas Bashkisë së Shijakut, por nga vetë qytetarët.
Komento
Komente
