Rreth dy muaj më parë ‘El Clasicco’ u shty për shkak të frikës së trazirave, por edhe pse u vendos që të luhej të mërkurën në mbrëmje përplasjet mes atyre që kërkojnë pavarësinë e rajonit dhe policisë nuk kanë munguar.
Para ndeshjes platforma ‘Cunami Demoktratik’ mblodhi rreth 5 mijë protestues rrugës afër stadiumit. Fillimisht gjithçka ishte e qetë, ndërsa më pas, pak para fillimit të sfidës, nisi përplasja mes protestuesve dhe policisëë.
Shishe të shumta qelqi u hodhën drejt autoriteteve, ndërsa këta të fundit u përgjigjën me plumba gome. Sipas Marca-s 46 persona mbetën të plagosur, ndërsa sipas ‘Sport’ 12 prej tyre kanë marë kujdes shëndetsor në spital. Fatmirësisht asnjë prej të lënduarve nuk është në gjendje të rëndë, ndërsa në mesin e të plagosurve është edhe një fotoreporter. Për ngjarjet pesë persona kanë përfunduar në prangat e policisë.
Sa i përket ndeshjes përgjithësisht u zhvillua në një atmosferë pozitive, por në pjesën e dytë pati një ndërprerje të vogël, për shkak se tifozët hodhën topa në fushë.
Komente
