Një 34 vjeçar në Durrës është vënë nën hetim pasi në dyqanin që kishte në pronësi shiste kapsolla dhe fishekzjarrë në kundërshtim me ligjin.
Gjatë kontrollit në dyqanin e tij në lagjen nr.11 të Durrësit janë gjetur lëndët piroteknike që shiteshin në mënyrë të jashtëligjshme. Gjithashtu është zbuluar se 34 vjeçari E.S fshihte të ardhurat e biznesit të tij.
Fishekzjarret dhe kapsollat janë sekuestruar në cilësinë e provës materiale ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Komento
